Bantayan Escapade

Bantayan Island is one of the most well-visited island here in the Philippines and slowly becoming a favorite summer destination of tourists in the country. Its appeal is comparable to Boracay, Dakak, and Palawan, with its clean white beaches, caves, and many interesting tourist sites. If you haven’t been here yet, come with me as I take you along with my workmates around this beautiful island right in the heart of the country.  

Ang ini nga isla may tatlo ka municipalidad: ang Bantayan, Madre de Jesus kag Santa Fe.  Ang Municipalidad sang Santa Fe amo ang nangin sentro sang turismo kag comersyalismo sa sini nga island. Isa sa mga bantog nga beach resort sa Santa Fe amo ang Ugtong Beach Resort nga sa diin may ara kompleto nga facilidad kag mga ma-amumahun nga mga tawo nga handa mag atipan kag maggiya sa inyo pagtinir sa sini nga resort. Ang main attraction diri amu ang Ugtong Cave, sa diin nadugayan gid kami sg pag usyuso kag pagpapiktyur.  Sa amon paglugayawon sa ini nga resort amun na obserbaran nga madamo nga mga turista ang naga kadto sa ini nga lugar.  Syempre ang amun grupo wala nag pa ulihi kag nag pa piktyur sa mga matahum ng mga lalantawon sa ini nga resort.  
   
Ang Santa Fe Beach and Resort ang naga pakaduha sa pinaka manami nga beach resort sa sini nga island ini nga resort kompleto man sa facilidad kaparehos sang Ugtong Beach resort nga maka akomudar sang ila nga mga bisita.    

Sa ika duha namun nga stay sa ini nga island, ang amun grupo nagkadto kag naligo sa Virgin Island nga sa diin makita mo ang isa ka isla nga may matahum nga beach kag wala pa sang mga istablisyemento nga natukod diri.  Mahimo kaman maka dive ukon mag snorkeling para makita ang mga corals sa idalum sg matin-aw nga dagat.  

Sa amon nga pag puli balon gid namun ang dako nga yuhum kag mga manami nga memories sa sini nga island kag syempre sa amon pag puli dala gid namun ang gina pa bugal sang Bantayan Island ang ila nga uga kag fresh egg.